Kryetari I komunës Gjakovës, Ardian Gjini ka njoftuar se gjatë ditës së sotme është nënshkruar kontrata për mbulesën dhe ndricimin e stadiumit të qytetit.

Ai falënderoi Ministrin e MKRS-së, Hajrulla Çekun derisa shtoi se Komuna e Gjakovës mbetet e përkushtuar për përmbushjen e përgjegjësive të saj.

“Kam kënaqësinë t’ju njoftoj se sot u nënshkrua kontrata për mbulesën dhe ndriçimin e stadiumit të qytetit në Gjakovë. Ky është një hap i madh dhe mjaft i ndjeshëm në kuadër të njërit prej projekteve më të mëdha dhe më ambicioze të ndërtuara ndonjëherë në vendin tonë.
Financimi i kësaj faze mbulohet nga Ministria e Kulturës, Rinisë dhe Sportit dhe për këtë shpreh falënderim për Ministrin Çeku dhe bashkëpunëtorët e tij”.

“Ashtu si gjithmonë, Komuna e Gjakovës mbetet e përkushtuar në përmbushjen e përgjegjësive të saj. Jam i bindur se shumë shpejt qytetarët e Gjakovës dhe të Kosovës do ta shohin këtë stadium të shpaloset në të gjithë madhështinë e vet”, shkroi Gjini.

Pas përfundimit të infrastrukturës bazë, tashmë është nënshkruar kontrata për mbulesën dhe ndriçimin e stadiumit./Arbresh.info